აშშ - ის პრეზიდენტის, დონალდ ტრამპის სპეციალური წარმომადგენელი სტივ უიტკოფი მოსკოვში ჩავიდა. ამის შესახებ ინფორმაციას რუსული მედია ავრცელებს.

რუსული მედიის ინფორმაციით, სტივ უიტკოფს „ვნუკოვოს“ აეროპორტში რუსეთის პრეზიდენტის, ვლადიმერ პუტინის სპეციალური წარმომადგენელი უცხო ქვეყნებთან ინვესტიციებისა და ეკონომიკური თანამშრომლობის საკითხებში, კირილ დმიტრიევი დახვდა.

სტივ უიტკოფი დღეს კრემლში ვლადიმერ პუტინს შეხვდება.

კრემლის პრესსპიკერის, დიმიტრი პესკოვის ცნობით, შეხვედრა მოსკოვის დროით 17:00 საათზე (თბილისის დროით 18:00 საათი) დაიწყება და მასში მონაწილეობას აშშ-ის პრეზიდენტის სიძე, ჯარედ კუშნერიც მიიღებს.