ნორვეგია ნატო-ს პროგრამის ფარგლებში უკრაინისთვის ამერიკული იარაღის შესაძენად 500 მილიონ ევროს გამოყოფს, - ამის შესახებ ნორვეგიის საგარეო საქმეთა მინისტრმა, ესპენ ბარტ ეიდემ ბრიუსელში, ნატო-ს საგარეო საქმეთა მინისტრების შეხვედრის დაწყებამდე განაცხადა.

„დღეს ნორვეგია PURL პროგრამის ფარგლებში დამატებით 500 მილიონი ევროს გამოყოფის შესახებ გამოაცხადებს, რომელიც ორ პაკეტად იქნება განაწილებული, ერთი გერმანიასთან და პოლონეთთან ერთად, ხოლო მეორე გერმანიასთან და ნიდერლანდებთან ერთად“, - განაცხადა ნორვეგიის საგარეო საქმეთა მინისტრმა.

მისი თქმით, „სასწორზე ევროპის მომავალი დევს“.

„ყველას გვსურს, რომ ეს ომი დასრულდეს და ჩვენ სამშვიდობო ძალისხმევას მივესალმებით, მაგრამ აუცილებელია, რომ ამის შედეგი უკრაინისთვის სამართლიანი და ხანგრძლივი მშვიდობა იყოს“, - აღნიშნა ეიდემ.