რელიგიის საკითხთა სახელმწიფო სააგენტომ და საქართველოს ბაპტისტური ეკლესიების კავშირმა დღეს მორიგი, ერთობლივი საქველმოქმედო აქცია გამართეს.

რელიგიის საკითხთა სახელმწიფო სააგენტოს ინფორმაციით, მათ ჰუმანიტარული ტვირთი - 36 ფუთა ტანსაცმელი გადასცეს მართლმადიდებელი ეკლესიის ჭიათურისა და საჩხერის ეპარქიის სოფელ საირხეს წმინდა ნინოს სახელობის მართლმადიდებლური სკოლის წარმომადგენლებს.

სკოლის მოძღვარმა, დეკანოზმა გიორგი გოგესაშვილმა მადლობა გადაუხადა სააგენტოს თანამშრომლებს გაწეული დახმარებისათვის.

აქციაში მონაწილეობდნენ: საქართველოს ბაპტისტური ეკლესიების კავშირის აღმასრულებელი მდივანი ტარიელ პაპინაშვილი, რელიგიის სააგენტოს სტრატეგიული კვლევის, ანალიზისა და რეგიონების სამსახურის უფროსი ნინო ჭავჭავაძე, ლოჯისტიკის მენეჯერი ლაშა მჭედლიძე და სააგენტოს თანამშრომელი დავით გოლიაძე.