„საჯარო მოხელეებო, გამოფხიზლდით, თავისუფლება რეჟიმის ტყვეებს“ - ამ ლოზუნგით ჯანდაცვის სამინისტროსთან აქცია გაიმართა.

საპროტესტო აქციების დროს დაკავებულების მშობლებმა და მხარდამჭერებმა საჯარო მოხელეებს მოუწოდეს, „არ დახუჭონ თვალი იმ უსამართლობაზე, რაც ქვეყანაშია“.

როგორც უფლებადამცველმა, მარიკა არევაძემ აღნიშნა, მათ სურთ მიაწოდონ უწყებაში დასაქმებულებს ინფორმაცია „იმ რეალობასთან დაკავშირებით, რაც რეალურად არსებობს საქართველოში და არა “ოცნების“ საქართველოში“.

„რეჟიმის პატიმრების ოჯახის წევრებთან ერთად, ჩვენ ვაგრძელებთ საჯარო დაწესებულებებთან აქციებს, მათთვის ხმის მიწვდენას იმ რეალობასთან დაკავშირებით, რაც რეალურ საქართველოში არსებობს და არა “ოცნების“ საქართველოში.

ეს არის უწყება, რომელმაც არაფერი მოიმოქმედა 1 წლის წინ, როდესაც ადამიანები სიკვდილამდე იყვნენ ნაცემები და 1 წლის, როდესაც, თურმე ჩვენს მიმართ გამოუყენებიათ ქიმიური იარაღი“, - განაცხადა მარიკა არევაძემ.