გრძელი და არსებითი სატელეფონო საუბარი მქონდა სტივ უიტკოფთან და ჯარედ კუშნერთან, შევთანხმდით შეერთებულ შტატებთან შემდეგ ნაბიჯებსა და საუბრების ფორმატებზე. ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.

ზელენსკის თქმით, უკრაინის მიდგომაა, რომ ყველაფერზე უნდა იმუშაოს - ყოველ კრიტიკულად მნიშვნელოვან ზომაზე მშვიდობისთვის, უსაფრთხოებისა და აღდგენისთვის.

"გრძელი და არსებითი სატელეფონო საუბარი მქონდა სტივ უიტკოფთან და ჯარედ კუშნერთან, ანდრეი გნატივთან და რუსტემ უმეროვთან ერთად. მადლობელი ვარ ძალიან ფოკუსირებული, კონსტრუქციული საუბრისთვის.

ბევრი ასპექტი დავფარეთ და განვიხილეთ საკვანძო პუნქტები, რომლებსაც შეუძლიათ სისხლისღვრის დასრულება და ახალი რუსული ფართომასშტაბიანი შემოჭრის საფრთხის გაქრობა, ისევე როგორც რუსეთის მიერ თავისი დაპირებების არშესრულების რისკის გაქრობა, როგორც ეს არაერთხელ მომხდარა წარსულში.

უკრაინა აპირებს ამერიკულ მხარესთან კეთილსინდისიერად მუშაობის გაგრძელებას, რათა ნამდვილად მიაღწიოს მშვიდობას. შევთანხმდით შეერთებულ შტატებთან შემდეგ ნაბიჯებსა და საუბრების ფორმატებზე. მადლობას ვუხდი პრეზიდენტ ტრამპს მოლაპარაკებებისადმი ასეთი ინტენსიური მიდგომისთვის.

ახლა რუსტემ უმეროვსა და ანდრეი გნატოვს ველი დეტალური პირადი ანგარიშით. ყველაფრის ტელეფონით განხილვა არ შეიძლება, ასე რომ, მჭიდროდ გვჭირდება ჩვენს გუნდებთან მუშაობა იდეებსა და წინადადებებზე. ჩვენი მიდგომაა, რომ ყველაფერზე უნდა ვმუშაობდეთ - ყოველ კრიტიკულად მნიშვნელოვან ზომაზე მშვიდობისთვის, უსაფრთხოებისა და აღდგენისთვის. მადლობა!" , - წერს ზელენსკი.