დღეს ამერიკულ მხარესთან უკრაინის ომისშემდგომ აღდგენასა და ეკონომიკურ განვითარებაზე ვისაუბრებთ, ხვალ „მსურველთა კოალიციის“ შეხვედრა იქნება, - ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.

„ვაგრძელებთ ყველა ჩვენს პარტნიორთან ყოველდღიურ კომუნიკაციას, ფაქტობრივად 24/7-ზე, რათა დავადგინოთ შესაძლებელი და რეალისტური ნაბიჯები ომის დასასრულებლად. ყველაფერი სანდო და ღირსეული უნდა იყოს უკრაინისთვის.

დღევანდელი გრაფიკი მოიცავს ამერიკულ მხარესთან საუბარს დოკუმენტზე, რომელიც დეტალურად აღწერს უკრაინის ომისშემდგომი აღდგენისა და ეკონომიკური განვითარების პროცესს. პარალელურად, ვასრულებთ ფუნდამენტური დოკუმენტის 20 პუნქტზე მუშაობას, რომელსაც შეუძლია ომის დასრულების პარამეტრების განსაზღვრა, და ველით ამ დოკუმენტის შეერთებულ შტატებში ჩატანას პრეზიდენტ ტრამპის გუნდთან და ევროპაში პარტნიორებთან ჩვენი ერთობლივი მუშაობის შემდეგ.

ხვალინდელი გრაფიკი მოიცავს „მსურველთა კოალიციის” ფორმატში შეხვედრას. ძალიან პროდუქტიულად ვმუშაობთ, რათა უზრუნველვყოთ სამომავლო უსაფრთხოება და აღვკვეთოთ რუსული აგრესიის გამეორება. ამ კვირას ყველა ჩვენგანისთვის შეუძლია ამბების მოტანა - და სისხლისღვრის დასრულება. გვჯერა, რომ მშვიდობას ალტერნატივა არ გააჩნია. საკვანძო კითხვებია როგორ ვაიძულოთ რუსეთს მკვლელობების შეწყვეტა და კონკრეტულად რა შეაკავებს რუსეთს მესამე შემოჭრისგან. მადლობა ყველას, ვინც გვერდში უდგას უკრაინას!” - წერს ზელენსკი.