რაც შეეხება ბატონ ფიშერს, მისი ფაილი ჩვენთვის დახურულია, - ამის შესახებ საქართველოს პარლამენტის თავმჯდომარემ შალვა პაპუაშვილმა საქართველოში გერმანიის ელჩთან პეტერ ფიშერთან დაკავშირებით განაცხადა.

პაპუაშვილის თქმით, „ელჩის მხრიდან გარკვეული მედიებისთვის პროპაგანდისტის იარლიყის მიკვრა აჩვენებს“, რომ ის გაურბის კითხვებს.

„თუკი ვინმეს პრეტენზია აქვს, რომ დემოკრატიული სამყაროს წარმომადგენელია, კრიტიკული კითხვები უნდა მოისმინოს და მშვიდად უპასუხოს. პროპაგანდისტობის იარლიყის მიწებება აჩვენებს, რომ ეს არის მცდელობა, გაექცეს კითხვას და აჩვენებს, რომ სტანდარტი სხვადასხვაა. ქართული დემოკრატიის სტანდარტი დღეს გაცილებით მაღალია, ვიდრე ზოგიერთი ევროპული დემოკრატიისა. თქვენ ხედავთ, რომ პრემიერ-მინისტრი, პრეზიდენტი, მეც, როგორც პარლამენტის თავმჯდომარე, პარლამენტის უმრავლესობის ხელმძღვანელი, სხვა წამყვანი თანამდებობის პირები ყოველ კვირა საათობით დროს ვატარებთ ჟურნალისტებთან და არ გავურბივართ არც ერთ კითხვას. ეს არის ქართული დემოკრატიის სტანდარტი, რომელთანაც, როგორც ჩანს, ახლოს ვერ მოდის ზოგიერთი ელჩის სტანდარტი.“- განაცხადა პაპუაშვილმა.