საპროტესტო მსვლელობის მონაწილეები პარლამენტთან დაბრუნდნენ.

აქციის მონაწილეთა ნაწილი მარშით მთავრობის ადმინისტრაციის შენობასთან მივიდა. ისინი, სიმბოლურად, ანთებული ფანრებით დადგნენ.

მარშის ორგანიზატორის, ტატო ქელბაქიანის თქმით, საქართველოს ბედი აშხაბადში არ უნდა წყდებოდეს. კანცელარიასთან მისვლით აქციის მონაწილეებმა სწორედ პრემიერ-მინისტრ ირაკლი კობახიძის აშხაბადში ვიზიტი გააპროტესტეს, სადაც ის შეხვედრას რუსეთის პრეზიდენტთან, ვლადიმერ პუტინთან ერთად ესწრებოდა.

მარში თავისუფლების მეტროსთანაც შეჩერდა, სადაც "ქართული ოცნების" პოლიტიკა კიდევ ერთხელ გააპროტესტეს.

ამ დროისთვის საპროტესტო აქცია ისევ საკანონმდებლო ორგანოსთან გრძელდება.