აშშ-ის პრეზიდენტი დონალდ ტრამპი ანდრეი ბაბიშს ჩეხეთის პრემიერ-მინისტრის თანამდებობის დაკავებას ულოცავს.

დონალდ ტრამპის განცხადებით, „ანდრეიმ იცის, როგორ დადოს შეთანხმებები“.

„ჩვენ კიდევ ერთხელ მივაღწევთ წარმატებებს თავდაცვისა და ენერგეტიკის სფეროებში, ასევე არალეგალური იმიგრაციის წინააღმდეგ ბრძოლაში. ისე, როგორც ეს ჩვენი პირველი ვადების დროს გავაკეთეთ. მისგან მნიშვნელოვან შედეგებს ველი, მათ შორის F-35-ის ტიპის გამანადგურებლებთან დაკავშირებით“, - წერს აშშ-ის პრეზიდენტი Truth Social-ზე.

შეგახსენებთ, ორშაბათს ჩეხეთის პრეზიდენტმა, პეტრ პაველმა პრემიერ-მინისტრ ანდრეი ბაბიშის მთავრობა ოფიციალურად დანიშნა.