პარლამენტის დროებითი საგამოძიებო კომისიის ანგარიში, რომელიც 2003-2012 წლებში „ნაციონალური მოძრაობის“ ხელისუფლების საქმიანობას და ასევე, შემდგომ პერიოდს მოიცავს, საბოლოოდ რედაქტირებული ბეჭდური სახით გამოიცა.

როგორც პარლამენტის თავმჯდომარემ შალვა პაპუაშვილმა რიგგარეშე სხდომაზე განაცხადა, ბეჭდური რედაქცია დეპუტატებს და მედიას დაურიგდება. მისივე თქმით, მზადდება ინგლისური თარგმანიც და „ყველა რელევანტურ ორგანიზაციას და საელჩოს გაეგზავნება იმისთვის, რომ იხილონ, რა დანაშაული იყო ჩადენილი ყოფილი რეჟიმის პირობებში 2003 წლიდან დღემდე“. გამოცემა 400-მდე გვერდისგან შედგება.

„დაიბეჭდა პირველი ტალღა და შემდგომ კიდევ იქნება დაბეჭდილი. გთხოვთ, რომ გავავრცელოთ დასკვნის რედაქტირებული ბეჭდური ვერსია“, - მიმართა პარლამენტის წევრებს შალვა პაპუაშვილმა.