თბილისში, ნუცუბიძის ქუჩაზე, ავარიას ერთი ადამიანი ემსხვერპლა. არსებული ინფორმაციით, მანქანა ქვეითად მოსიარულე დედა-შვილს დაეჯახა, რის შედეგადაც ქალი დაიღუპა, ხოლო ბავშვი დაშავდა და კლინიკაში გადაიყვანეს.

შინაგან საქმეთა სამინისტროში “ინტერპრესნიუსს” განუცხადეს, რომ მომხდარზე გამოძიება სისხლის სამართლის კოდექსის 276–ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს.