უკრაინისთვის ფინანსური პაკეტი მზადაა: უკრაინა მიიღებს 90 მილიარდი ევროს უპროცენტო სესხს, ჩემი შეთავაზებისამებრ, - ამის შესახებ გერმანიის კანცლერი, ფრიდრიხ მერცი სოციალურ პლატფორმა X-ზე წერს.

„ეს პუტინს მკაფიო სიგნალს უგზავნის ევროპიდან: ეს ომი არ ღირს. ჩვენ რუსულ აქტივებს გაყინულს შევინარჩუნებთ მანამ, სანამ რუსეთი უკრაინას კომპენსაციას არ გადაუხდის“, - წერს მერცი.

შეგახსენებთ, ბრიუსელში გუშინ ევროპული საბჭოს შეხვედრა დაიწყო, რომელიც დღეს დილით დასრულდა.