აშშ უკრაინის კონფლიქტის მოგვარებასთან დაკავშირებით რუსეთის პოზიციებს კარგად იცნობს, - ამის შესახებ კრემლის პრესსპიკერმა, დიმიტრი პესკოვმა განაცხადა.

„რუსეთის პოზიციის ყველა ძირითადი პარამეტრი აშშ-ში ჩვენი კოლეგებისთვის კარგად არის ცნობილი“, - განაცხადა პესკოვმა.

ასევე, პესკოვის თქმით, რუსეთის პრეზიდენტის სპეციალურმა წარმომადგენელმა, კირილ დმიტრიევმა მაიამიში გამართული შეხვედრების შესახებ ვლადიმერ პუტინს დეტალური ინფორმაცია უკვე მიაწოდა.

„ახლა შესაძლებლობა გვაქვს, რომ შემდგომი პოზიცია სახელმწიფოს მეთაურის მიერ მიღებული ინფორმაციის საფუძველზე ჩამოვაყალიბოთ და უახლოეს მომავალში კონტაქტები გავაგრძელოთ“, - აღნიშნა კრემლის პრესსპიკერმა.