ჩრდილოეთ კორეის ლიდერი, კიმ ჩენ ინი სარაკეტო გამოცდას დაესწრო, რომლის მიზანი მაღალ სიმაღლეზე მოქმედი ახალი ტიპის რაკეტის შესაქმნელად სტრატეგიული ტექნოლოგიების შეფასება იყო, - ინფორმაციას Reuters-ი ჩრდილოეთ კორეის საინფორმაციო სააგენტო KCNA-ზე დაყრდნობით ავრცელებს.

ჩრდილოეთ კორეის მიერ სარაკეტო გამოცდის ჩატარება სამხრეთ კორეის შეიარაღებული ძალების გაერთიანებულმა შტაბმაც დაადასტურა.

ასევე, KCNA-ის ინფორმაციით, კიმ ჩენ ინი ახალი, 8700 ტონიანი ატომური წყალქვეშა ნავის მშენებლობის პროცესს დააკვირდა, რომელსაც საზენიტო რაკეტების გაშვება შეუძლია.