კალიფორნიაში ძლიერმა წვიმამ სამი ადამიანი იმსხვერპლა
აშშ-ის კალიფორნიის შტატში ძლიერმა წვიმებმა წყალდიდობა და მეწყერი გამოიწვია, რასაც სამი ადამიანი ემსხვერპლა.
მაშველებმა რამდენიმე სამაშველო ოპერაცია განახორციელეს, მათ შორის დახარება გაუწიეს წყალდიდობის შედეგად ავტომობილებში ჩარჩენილ ადამიანებს. კალიფორნიის გუბერნატორმა გევინ ნიუსომმა ოთხშაბათს ლოს-ანჯელესსა და სამხრეთ კალიფორნიის სხვა ოლქებში საგანგებო მდგომარეობა გამოაცხადა.
ხუთშაბათს საღამოს მონაცემებით, შტატში დაახლოებით 100 000 ადამიანი ელექტროენერგიის გარეშე იყო დარჩენილი.
სტიქიის გამო, სამხრეთ კალიფორნიის სან ბერნარდინოს ოლქის მოსახლეობის ნაწილისთვის ევაკუაციის შესახებ გაფრთხილება გამოცხადდა.
