ნატო-ს გენერალური მდივნის მარკ რუტეს განცხადებით, იმისათვის, რომ რუსეთის პრეზიდენტმა ვლადიმერ პუტინმა არ გაბედოს ალიანსის რომელიმე ქვეყანაზე თავდასხმა, აუცილებელია უკრაინის მაქსიმალურად გაძლიერება.

ამასთან, მარკ რუტე მიიჩნევს, რომ ამისთვის ასევე აუცილებელია ნატო-ს წევრი ქვეყნებისგან თავდაცვის ხარჯების გაზრდა.

„თუ ამ ორ რამეს გავაკეთებთ, საკმარისად ძლიერები ვიქნებით საკუთარი თავის დასაცავად და პუტინი არასდროს წავა რისკზე“, - აღნიშნა რუტემ.