ფინეთის ყურეში წყალქვეშა საკომუნიკაციო კაბელი დაზიანდა, - ინფორმაციას Reuters-ი ავრცელებს.

ფინურმა ტელეკომუნიკაციების კომპანია Elisa-მ განაცხადა, რომ ფინეთსა და ესტონეთს შორის დამაკავშირებელი წყალქვეშა კაბელის დაზიანების შესახებ დღეს შეიტყვეს.

ფინეთის პრეზიდენტის, ალექსანდრ სტუბის ცნობით, შესაძლოა, კაბელი გემმა დააზიანა.

ასევე, სტუბმა აღნიშნა, რომ შესაბამისმა ორგანოებმა გემი უკვე შეამოწმეს.

„ფინეთი სხვადასხვა ტიპის უსაფრთხოების გამოწვევებისთვის მზად არის და საჭიროების შემთხვევაში ჩვენ მათ ვპასუხობთ“, - დაწერა ფინეთის პრეზიდენტმა X-ზე.