რუსეთის პრეზიდენტის წარმომადგენელი, კირილ დმიტრიევი პარიზში, აშშ-ის საელჩოში იმყოფებოდა, - ინფორმაციას ფრანგული გამოცემა Le Monde წყაროებზე დაყრდნობით ავრცელებს.

გამოცემის ინფორმაციით, რუსეთის პრეზიდენტის ვლადიმერ პუტინის სპეციალური წარმომადგენელი, კირილ დმიტრიევი პარიზში, გუშინ, 7 იანვარს იმყოფებოდა და აშშ-ის საელჩოში უმასპინძლეს.

გამოცემას ელისეის სასახლეში განუცხადეს, რომ დმიტრიევი საფრანგეთის პრეზიდენტის ადმინისტრაციაში არ ყოფილა.

ცნობისთვის, დმიტრიევის ვიზიტამდე ერთი დღით ადრე, 6 იანვარს, პარიზში „მსურველთა კოალიციის“ შეხვედრა გაიმართა, რომელშიც აშშ-ის პრეზიდენტის წარმომადგენლები, სტივ უიტკოფი და ჯარედ კუშნერი მონაწილეობდნენ.