დიდი ბრიტანეთის საგარეო საქმეთა მინისტრი ირანელ კოლეგას ესაუბრა.

დიდი ბრიტანეთის საგარეო საქმეთა მინისტრის, ივეტ კუპერის ცნობით, ირანის საგარეო საქმეთა მინისტრს, აბას არაღჩის ქვეყანაში ძალადობის დასრულებისკენ მოუწოდა.

„ირანში მშვიდობიანი დემონსტრანტების მკვლელობა და სასტიკი რეპრესიები საშინელებაა. ირანის მთავრობამ დაუყოვნებლივ უნდა დაასრულოს ძალადობა, დაიცვას ფუნდამენტური უფლებები და უზრუნველყოს დიდი ბრიტანეთის მოქალაქეების უსაფრთხოება“, - აცხადებს ივეტ კუპერი.

კუპერთან საუბრის შემდეგ ირანის საგარეო საქმეთა მინისტრმა განაცხადა, რომ „დიდმა ბრიტანეთმა ირანის შიდა საქმეებში ჩარევისგან თავი უნდა შეიკავოს“.

არაღჩის თქმით, წინააღმდეგ შემთხვევაში ირანს ლონდონში საელჩოდან „პერსონალის ევაკუაცია მოუწევს“.