არ არსებობს იმის ფიქრის საფუძველი, რომ აშშ გრენლანდიაში სამხედრო მოქმედებას სერიოზულად განიხილავს, - ამის შესახებ გერმანიის საგარეო საქმეთა მინისტრმა, იოჰან ვადეფულმა აშშ-ის სახელმწიფო მდივანთან, მარკო რუბიოსთან შეხვედრის შემდეგ განაცხადა.

გერმანიის საგარეო საქმეთა მინისტრის განცხადებით, ნატო-ს წევრებს არქტიკაში უსაფრთხოების შენარჩუნების საერთო ინტერესი აქვთ.

„აშშ ევროპის გვერდით დგას და დასავლურ სამყაროში კანონის უზენაესობისა და თავისუფლების დაცვის ერთგულია. ევროპელებს ვურჩევდი, რომ ეჭვი არ შეიტანონ იმაში, რაშიც ეჭვი თავად ვაშინგტონს არ ეპარება“, - განაცხადა იოჰან ვადეფულმა.

ასევე, ვადეფულის თქმით, არ ეთანხმება მოსაზრებას, რომ აშშ-მა ნატო-ს ზურგი აქცია.