ირანის უკანასკნელი შაჰის შვილის, რეზა ფეჰლევის განცხადებით, ათასობით სამხედრო და პოლიციელი არ გამოცხადდა სამსახურში, რათა თავი აერიდებინათ მომიტინგეების დარბევაში მონაწილეობისგან.

„თქვენი სიმტკიცისა და წინააღმდეგობის გამო, ათასობით სამხედრო და პოლიციელი არ გამოცხადდა სამსახურში, რათა მათ რეპრესიებში მონაწილეობა არ მიეღოთ“, - განაცხადა რეზა ფეჰლევიმ სოციალურ ქსელში გამოქვეყნებულ პოსტში.

მისი თქმით, ხელისუფლება მკვლელობების, რეპრესიებისა და ინტერნეტის გათიშვის გზით საზოგადოებაში შიშის დათესვას ცდილობს, რათა მათ საპროტესტო აქციებში მონაწილეობაზე უარი განაცხადონ.