აშშ-ის პრეზიდენტის დონალდ ტრამპის განცხადებით, მოსკოვში სტივ უიტკოფისა და ჯარედ კუშნერის შესაძლო ვიზიტის შესახებ ინფორმაციას არ ფლობს.

დონალდ ტრამპმა Reuters-თან ინტერვიუში განაცხადა, რომ მისი სპეციალური წარმომადგენლების, სტივ უიტკოფისა და ჯარედ კუშნერის მოსკოვში შესაძლო ვიზიტისა და მათი რუსეთის პრეზიდენტთან, ვლადიმერ პუტინთან შეხვედრის შესახებ არაფერი იცის.

ცნობისთვის, გუშინ გამოცემა Bloomberg-მა ინფორმაცია გაავრცელა, რომ აშშ-ის პრეზიდენტის დონალდ ტრამპის წარმომადგენელი სტივ უიტკოფი და ტრამპის სიძე ჯარედ კუშნერი უახლოეს მომავალში მოსკოვში გამგზავრებას და რუსეთის პრეზიდენტ ვლადიმერ პუტინთან შეხვედრას გეგმავენ.

აშშ-ის პრეზიდენტის წარმომადგენლების მოსკოვში ვიზიტის ზუსტი თარიღი ჯერჯერობით უცნობია.