Euractiv - რობერტ ფიცო დღეს დონალდ ტრამპს შეხვდება
რობერტ ფიცო დღეს დონალდ ტრამპს შეხვდება, - ინფორმაციას Euractiv-ი ავრცელებს.
სლოვაკეთის პრემიერ-მინისტრის, რობერტ ფიცოსა და აშშ-ის პრეზიდენტის, დონალდ ტრამპის შეხვედრა ფლორიდაში, მარ-ა-ლაგოს რეზიდენციაში გაიმართება.
ამასთან, სლოვაკეთის პრემიერ-მინისტრის ადმინისტრაციის ცნობით, ფიცო ვაშინგტონში აშშ-ის ენერგეტიკის მდივანს, კრის რაიტს შეხვდება და „სამოქალაქო ბირთვული ენერგიის სფეროში თანამშრომლობის შესახებ“ შეთანხმებას გააფორმებს.
შეთანხმება სლოვაკეთში აშშ-სთან ერთად 15 მილიარდი ევროს ღირებულების ბირთვული რეაქტორის მშენებლობის პროექტის განხორციელებას ითვალისწინებს.
