ვლადიმერ პუტინი აცხადებს, რომ უშიშროების საბჭოს შეხვედრაზე „მრავალპოლარული მსოფლიოს მშენებლობაში“ რუსეთის მონაწილეობის საკითხი განიხილა
ვლადიმერ პუტინმა უშიშროების საბჭოს შეხვედრაზე მრავალპოლარული მსოფლიოს მშენებლობაში რუსეთის მონაწილეობის საკითხი განიხილა, - ინფორმაციას რუსული მედია ავრცელებს.
„დღეს განსახილველი ორი საკითხი გვაქვს. პირველი უსაფრთხოების სფეროში არსებულ მიმდინარე საკითხებს ეხება, ხოლო მეორე მრავალპოლარული მსოფლიოს მშენებლობაში ჩვენს მონაწილეობას და ამასთან დაკავშირებით ჩვენს ქმედებებს“, - განუცხადა რუსეთის პრეზიდენტმა უშიშროების საბჭოს მუდმივ წევრებს.
რუსული მედიის ინფორმაციით, ვლადიმერ პუტინმა შეხვედრაზე „აღნიშნული საკითხის შესახებ საკუთარი მოსაზრებების წარდგენა“, რუსეთის საგარეო საქმეთა მინისტრს, სერგეი ლავროვს სთხოვა.
