გრენლანდიის საკითხი ევროკავშირის საქმე არ არის, - ამის შესახებ უნგრეთის საგარეო საქმეთა მინისტრმა, პიტერ სიიარტომ განაცხადა.

პიტერ სიიარტოს თქმით, უნგრეთი გრენლანდიასთან დაკავშირებით ევროკავშირის ერთობლივ განცხადებას მხარს არ დაუჭერს.

მისი განმარტებით, გრენლანდიის საკითხის მოგვარება დანიასა და აშშ-ს შორის მოლაპარაკებების შედეგად არის შესაძლებელი.

„ამას ორმხრივ საკითხად მივიჩნევთ. ვფიქრობ, ეს ევროკავშირის საქმე არ არის და გუშინ მუდმივი წარმომადგენლების შეხვედრაზე აღვნიშნეთ, რომ ევროკავშირის ერთობლივი განცხადება საჭიროდ არ მიგვაჩნია“, - განაცხადა სიიარტომ.