ბატონო პრეზიდენტო, ძვირფასო დონალდ ტრამპ, ის, რაც თქვენ სირიაში მიაღწიეთ, წარმოუდგენელია, - ამის შესახებ აღნიშნულია ნატო-ს გენერალური მდივნის, მარკ რუტეს მიერ აშშ-ის პრეზიდენტისთვის გაგზავნილ შეტყობინებაში, რომელსაც დონალდ ტრამპი სოციალურ ქსელში აზიარებს.

„დავოსში ჩემს მედია ჩართულობას გამოვიყენებ, რათა წარმოვაჩინო თქვენ მიერ გაწეული სამუშაო ღაზასა და უკრაინაში. მტკიცედ მაქვს გადაწყვეტილი, ვიპოვო წინსვლის გზა გრენლანდიის საკითხთან დაკავშირებით. მოუთმენლად ველი თქვენს ნახვას“, - აღნიშნულია შეტყობინებაში.

ცნობისთვის, მანამდე ტრამპმა საფრანგეთის პრეზიდენტის ემანუელ მაკრონის მიერ გაგზავნილი შეტყობინებები გააზიარა.