შოკისმომგვრელია, რომ ჩვენი „ბრწყინვალე“ ნატო-ელი მოკავშირე, გაერთიანებული სამეფო, ამჟამად დიეგო გარსიას კუნძულის, აშშ-ის სასიცოცხლოდ მნიშვნელოვანი სამხედრო ბაზის, მავრიკისთვის გადაცემას გეგმავს და ამას ყოველგვარი მიზეზის გარეშე აკეთებს, - ამის შესახებ აშშ-ის პრეზიდენტო დონალდ ტრამპი სოციალურ პლატფორმა X-ზე წერს.

მისი მტკიცებით, გაერთიანებული სამეფოს ეს გადაწყვეტილება კიდევ ერთი მიზეზია იმისთვის, რომ შეერთებულმა შტატებმა, უსაფრთხოების დაცვის მიზნით, გრენლანდია უნდა შეიძინოს.

„ეჭვგარეშეა, რომ ჩინეთმა და რუსეთმა შენიშნეს ტოტალური სისუსტის ეს აქტი. ესენი არიან საერთაშორისო ძალები, რომლებიც მხოლოდ ძალას აღიარებენ, სწორედ ამიტომ, ამერიკის შეერთებულ შტატებს ახლა, ჩემი ხელმძღვანელობით, მხოლოდ ერთი წლის შემდეგ, ისე სცემენ პატივს, როგორც არასდროს. გაერთიანებული სამეფოს მიერ უაღრესად მნიშვნელოვანი მიწის გადაცემა დიდი სისულელის აქტია და კიდევ ერთი მიზეზია ეროვნული უსაფრთხოებისთვის გრენლანდიის შესაძენად“, - წერს ტრამპი.

მისი განცხადებით, დანია და მისი ევროპელი მოკავშირეები სწორად უნდა მოიქცნენ.