აშშ-ის პრეზიდენტმა დონალდ ტრამპმა ჩინეთი ღაზას „მშვიდობის საბჭოს“ წევრად მიიწვია, - ამის შესახებ ჩინეთის საგარეო საქმეთა სამინისტროს პრესსპიკერმა გუო ძიაკუნმა განაცხადა.

„ჩინურმა მხარემ აშშ-სგან მიწვევა მიიღო“, - განაცხადა გუო ძიაკუნმა.

ძიაკუნმა არ დააკონკრეტა დაეთანხმა თუ არა ჩინეთი აშშ-ის მიწვევას.

„გასულ წელს აშშ-ისა და ჩინეთის ურთიერთობებში აღმასვლისა და დაღმასვლის პერიოდები იყო, თუმცა საბოლოოდ დინამიკა სტაბილური გახდა. ჩინეთი მზადაა ურთიერთობების სტაბილიზაციის მიზნით აშშ-სთან ითანამშრომლოს“, - აღნიშნა ჩინეთის საგარეო უწყების პრესსპიკერმა.