საქართველოს სახალხო დამცველმა თბილისის გოგიტა კიკნაძის სახელობის 182-ე საჯარო სკოლის მოსწავლეებს უმასპინძლა.

სახალხო დამცველის აპარატის ცნობით, შეხვედრაზე ლევან იოსელიანმა მოსწავლეებს ადამიანის უფლებათა დაცვის სისტემა, სახალხო დამცველის აპარატის მანდატი და საქმიანობის ძირითადი მიმართულებები გააცნო.

მათივე ინფორმაციით, იოსელიანმა დეტალურად ისაუბრა ადამიანის უფლებების ცოდნის მნიშვნელობაზე ახალგაზრდების ყოველდღიურ ცხოვრებაში.