რუსთაველის გამზირზე უწყვეტი პროტესტი მიმდინარეობს.

პარლამენტთან შეკრებილებს ლოზუნგით - „დაიცავი განათლება“, მარშის მონაწილეები შეუერთდნენ. მათ საპროტესტო მსვლელობა თავდაპირველად ფილარმონიიდან დაიწყეს, რუსთაველის გამზირის გავლით მთავრობის კანცელარიასთან მივიდნენ, შემდეგ კი კვლავ პარლამენტთან დაბრუნდნენ. მათ გაშლილი აქვთ ბანერი წარწერით — „დაიცავი განათლება!“, რითაც „ქართული ოცნების“ მიერ განათლების სისტემაში დაგეგმილი რეფორმებს აპროტესტებენ.

ამასთან, პარლამენტთან შეკრებილი დემონსტრანტების მოთხოვნები უცვლელია — დაინიშნოს ახალი საპარლამენტო არჩევნები და გათავისუფლდნენ აქციების ფარგლებში დაკავებული პირები.