განსაკუთრებულ დავალებათა ყოფილი ხელმძღვანელის, ზვიად ხარაზიშვილის („ხარება") განცხადებით, ის სამართალდამცავ სისტემაში არ დაბრუნებულა და დაბრუნებას არც აპირებს.

აღნიშნულის შესახებ მან „ტვ პირველთან“ სატელეფონო კომენტარისას ისაუბრა.

კითხვაზე, საკუთარი სურვილით წავიდა თუ არა სტრუქტურიდან, ხარაზიშვილი დადებითად პასუხობს.

„მე [სისტემაში] არ დავბრუნებულვარ და არც ვაპირებ არსად დაბრუნებას. თუ ჩემს სამშობლოს დავჭირდები, დავბრუნდები და რა თქმა უნდა, გავაგრძელებ. არავითარი შემოთავაზება არ ყოფილა. ბევრს აინტერესებს და არა-თქო ვამბობ. რა თქმა უნდა [ჩემი სურვილით წავედი], ყველამ კარგად იცის, რომ მე თვითონ წამოვედი. მე სპეცრაზმელობა არ დამიმთავრებია და არც ვამთავრებ. დავჭირდები ჩემ სამშობლოს, გავაგრძელებ ჩვეულებრივ", - აცხადებს ზვიად ხარაზიშვილი.