რუსულმა ძალებმა 25 იანვრის ღამეს უკრაინას „ისკანდერ-M“ ტიპის ბალისტიკური რაკეტით, „С-300“ ტიპის საზენიტო მართვადი რაკეტით და 102 დრონით შეუტიეს, - ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს.

მათივე ინფორმაციით, საჰაერო ძალებმა 87 უპილოტო საფრენი აპარატის განადგურება შეძლეს.

საჰაერო ძალებში აცხადებენ, რომ რაკეტის დარტყმის შესახებ ინფორმაცია, ჯერჯერობით, არ არსებობს. დრონებით დარტყმა კი 10 ლოკაციაზე დაფიქსირდა.