რუსთაველის გამზირზე, პარლამენტთან საპროტესტო აქცია მიმდინარეობს.

მოქალაქეები საკანონმდებლო ორგანოსთან უცვლელი მოთხოვნებით შეიკრიბნენ - დაინიშნოს ახალი საპარლამენტო არჩევნები, გათავისუფლდნენ აქციების ფარგლებში დაკავებული პირები და გაუქმდეს გამკაცრებული კანონები, რომლებიც ადამიანებს პროტესტის გამოხატვას უზღუდავს.

დემონსტრანტებს აქვთ დროშები და საპროტესტო ბანერები.

პარლამენტის მიმდებარედ საპატრულო პოლიციის ეკიპაჟები არიან მობილიზებულები.