სასაზღვრო პატრულის უფროსი და რამდენიმე აგენტი მინეაპოლისს ტოვებენ
სასაზღვრო პატრულის ხელმძღვანელი გრეგორი ბოვინო და მისი რამდენიმე აგენტი ქალაქ მინეაპოლისს დატოვებენ.
წყაროების ცნობით, დონალდ ტრამპის ადმინისტრაციის წარმომადგენლები იმედგაცრუებულები არიან იმის გამო, თუ როგორ გაუმკლავდნენ ბოვინო და შიდა უსაფრთხოების მინისტრი, კრისტი ნოემი მინეაპოლისში აშშ-ის ახალგაზრდა მოქალაქის, ალექს პრეტის მკვლელობის შედეგებს.
ქალაქში ტომ ჰომანს გააგზავნიან, რომელიც დონალდ ტრამპის საიმიგრაციო პოლიტიკის ცნობილი მხარდამჭერია.
ცნობისთვის, აშშ-ის 37 წლის მოქალაქე მინეაპოლისში სასაზღვრო პატრულთან დაპირისპირების დროს მოკლეს. შიდა უსაფრთხოების მდივანმა კრისტი ნოემმა განაცხადა, რომ ის სასაზღვრო პატრულის ოფიცრებს „ნახევრად ავტომატური პისტოლეტით“ მიუახლოვდა და „ძალადობრივად რეაგირებდა“, თუმცა გავრცელებული ვიდეობიდა ჩანს, რომ პრეტის ხელში იარაღი არ ეჭირა. ალექს პრეტის მკვლელობამ ვითარების დაძაბვა და დონალდ ტრამპის საიმიგრაციო პოლიტიკის წინააღმდეგ საპროტესტო აქციების კიდევ უფრო გააქტიურება გამოიწვია.
