ამერიკელებმა უნდა იცოდნენ, რომ თუ ისინი ომს დაიწყებენ, ამჯერად ეს რეგიონული ომი გახდება, - ამის შესახებ ირანის უზენაესმა ლიდერმა, აიათოლა ალი ხამენეიმ განაცხადა.

„ჩვენ ომს არ ვიწვევთ და რომელიმე ქვეყანაზე თავდასხმას არ ვცდილობთ, მაგრამ ირანელი ხალხი ძლიერ დარტყმას მიაყენებს ყველას, ვინც მას თავს დაესხმება“, - განაცხადა აიათოლა ალი ხამენეიმ.

მისი თქმით, ირანელ ხალხს აშშ-ის მუქარის არ უნდა შეეშინდეს.

ცნობისთვის, აშშ-ის პრეზიდენტმა, დონალდ ტრამპმა განაცხადა, რომ ირანი აშშ-სთან „სერიოზულ მოლაპარაკებებს“ აწარმოებს.