ბიზნესისა და ტექნოლოგიების უნივერსიტეტში (BTU) თანამედროვე განათლების ინოვაციური გარემო შეიქმნა. ეს გახლავთ ხელოვნურ ინტელექტზე დაფუძნებული ახალი სასწავლო გარემო - BTU AI. ის ფუნდამენტურად ახალ მიდგომას ეყრდნობა. სასწავლო მასალასთან ადაპტაციის ნაცვლად, თავად ერგება მომხმარებლის საჭიროებებს.

როგორც უნივერსიტეტში განმარტავენ, BTU AI არ არის ტრადიციული ონლაინ სასწავლო პლატფორმა, ტექსტების საცავი ან კითხვებზე ავტომატურად პასუხის გამცემი სისტემა. ეს არის სასწავლო გარემო, რომელიც სწავლას დიალოგად, კვლევად და აზროვნების პროცესად აქცევს. სისტემა მომხმარებელს ეხმარება, რთული მასალა მარტივი, გასაგები და მის საჭიროებებზე მორგებული გზით.

BTU AI უზრუნველყოფს თემის სიღრმისეულ განხილვას, სწავლების პროცესში პასუხობს შეკითხვებს და ეხმარება მომხმარებელს ავტორთან და ტექსტთან „დიალოგში“, არგუმენტების გააზრებაში, მთავარი აზრის გამოყოფასა და მოსაზრებების კრიტიკულად შეფასებაში. გარდა ამისა, სთავაზობს დავალებებს ცოდნის გასამყარებლად და მიუთითებს ცოდნის გაღრმავების საუკეთესო გზებს.

მნიშვნელოვანია, რომ BTU AI ხელმისაწვდომია უფასოდ, როგორც BTU-ს სტუდენტებისა და ლექტორებისთვის, ასევე ნებისმიერი სხვა დაინტერესებული პირისთვის. აღნიშნული პირდაპირ ეხმიანება უნივერსიტეტის საქმიანობის მთავარ ღირებულებას, რაც განათლებაზე ხელმისაწვდომობის ზრდასა და ინოვაციების დანერგვას ისახავს მიზნად.

BTU აგრძელებს ინოვაციური საგანმანათლებლო ეკოსისტემის განვითარებას, სადაც ტექნოლოგია ემსახურება ადამიანის პოტენციალის გაძლიერებას და მომავლის ლიდერების ჩამოყალიბებას.

ახალი სასწავლო გარემო შემდეგი სასწავლო სემესტრიდან დაინერგება. მანამდე კი უნივერსიტეტი სიახლის შესახებ აკადემიური პერსონალისა და სტუდენტებისთვის ტრენინგებს ჩაატარებს.