აშშ-ის პრეზიდენტმა, დონალდ ტრამპმა ხელი მოაწერა მთავრობის დაფინანსების შესახებ კანონპროექტს, რომლითაც მთავრობის მუშაობის შეჩერება, ე.წ. შათდაუნი დასრულდა. ინფორმაციას Reuters-ი ავრცელებს.

კანონმდებლობით აშშ-ის თავდაცვის, ჯანდაცვის, შრომის, განათლებისა და სხვა სააგენტოების დაფინანსება გამოიყო.

ასევე აშშ-ის შიდა უსაფრთხოების დეპარტამენტის დაფინანსების ვადა 13 თებერვლამდე გახანგრძლივდა, რაც კონგრესმენებს საიმიგრაციო სააგენტოების დაფინანსებასთან დაკავშირებით შეთანხმების მიღწევისთვის დროს აძლევს.

„დემოკრატი“ კონგრესმენები მინეაპოლისში ბოლო დროს განვითარებული მოვლენების ფონზე საიმიგრაციო სააგენტოებისთვის შეზღუდვების დაწესებას ითხოვენ.

აშშ-ის წარმომადგენელთა პალატამ მთავრობის დაფინანსების კანონპროექტი 217 ხმით 214-ის წინააღმდეგ დაამტკიცა.