დიმიტრი პესკოვი - აბუ-დაბიში უკრაინას, აშშ-სა და რუსეთს შორის მიმდინარე მოლაპარაკებების შესახებ დასკვნების გამოტანა ნაადრევია
აბუ-დაბიში უკრაინას, აშშ-სა და რუსეთს შორის მიმდინარე მოლაპარაკებების შესახებ დასკვნების გამოტანა ნაადრევია, - ამის შესახებ კრემლის პრესსპიკერმა, დიმიტრი პესკოვმა განაცხადა.
„მოლაპარაკებები დღესაც გრძელდება, ამიტომ რაიმე სახის დასკვნების გამოტანა ნაადრევია“, - განაცხადა პესკოვმა.
მისი თქმით, რუსეთის პრეზიდენტი, ვლადიმერ პუტინი მოლაპარაკებების შედეგების შესახებ ინფორმაციას მათი დასრულების შემდეგ მიიღებს.
„ჩვენი დელეგაცია მოლაპარაკებების შედეგების შესახებ სახელმწიფო მეთაურს ოპერატიულად აცნობებს“, - აღნიშნა კრემლის პრესსპიკერმა.
