საქართველოს ტექნიკურ უნივერსიტეტთან საპროტესტო აქცია მიმდინარეობს. აქციის მონაწილეები ტექნიკური უნივერსიტეტის თბილისის სახელმწიფო უნივერსიტეტთან გაერთიანების თაობაზე განათლების სამინისტროს გადაწყვეტილებას აპროტესტებენ. მათი შეფასებით, აღნიშნული გადაწყვეტილება პროფესორებთან შეთანხმებული არ ყოფილა.

ისინი ფიქრობენ, რომ დაანონსებული ცვლილება განათლების სისტემას დააზიანებს. მათ აქციაზე გაშლილი აქვთ ბანერები, წარწერებით: „სტუ არ იყიდება!“, „ხელები შორს სტუ-სგან!“; „სტუ-ში გატარებული ყოველი დღე ისტორიაა".

აქციაზე სიტყვით გამოდიან პროფესორ-მასწავლებლები. მათი თქმით, იმედი აქვთ, რომ საბოლოოდ, შედეგს მაინც მიაღწევენ.