ნიკა მელიას კლინიკა „ვივამედში“ გამოკვლევები ჩაუტარდა, რის შემდეგაც კვლავ საპატიმროში დააბრუნეს
„კოალიცია ცვლილებისთვის“ ერთ-ერთი ლიდერს, ნიკა მელიას კლინიკა „ვივამედში“ გამოკვლევები ჩაუტარდა.
როგორც „ინტერპრესნიუსს“ „ვივამედის“ კლინიკურმა დირექტორმა ზურაბ ჩხაიძემ განუცხადა, ნიკა მელია სასჯელაღსრულების დეპარტამენტიდან კლინიკაში დღეს მიიყვანეს და შესაბამისი სამედიცინო დახმარების გაწევის შემდეგ მან კლინიკა უკვე დატოვა.
„ჩვენთან დღეს იმყოფებოდა პაციენტი, ნიკა მელია. სასჯელაღსრულების დეპარტამენტიდან. კონსულტაცია ჩაუტარა ქირურგმა. გაეწია შესაბამისი დახმარება და მიეცა რეკომენდაცია პენიტენციურ დაწესებულებაში მკურნალობის გაგრძელების შესახებ", - განაცხადა ზურაბ ჩხაიძემ.
ცნობისთვის, დღეს არის დაგეგმილი ნიკა მელიასთვის ახალი ბრალდების წარდგენა, რომელიც სასამართლოს შეურაცხყოფას გულისხმობს. ამ შემთხვევაში საქმე ეხება ლისის ტბის ტერიტორიაზე, მისი დაკავების ადმინისტრაციული საქმის განმხილველ მოსამართლე თორნიკე ქოჩქიანს.
