Reuters - აშშ ნატო-ს ორი სამეთაურო პუნქტის მართვას ევროპელებს გადააბარებს
აშშ ნატო-ს ორი სამეთაურო პუნქტის მართვას ევროპელებს გადააბარებს, - ინფორმაციას Reuters-ი სამხედრო წყაროზე დაყრდნობით ავრცელებს.
გამოცემის წყაროს ცნობით, ალიანსის სარდლობის საკადრო გადაადგილების ფარგლებში ევროპელი ოფიცრები ნეაპოლში მდებარე ნატო-ს მოკავშირეთა გაერთიანებული ძალების სარდლობას და ნორფოლკში მდებარე გაერთიანებული ძალების სარდლობას გადაიბარებენ, რომლებსაც ახლა ამერიკელი ადმირალები მართავენ.
ამასთან, წყაროს ინფორმაციით, გადანაწილების ფარგლებში აშშ მოკავშირეთა საჰაერო, საზღვაო და სახმელეთო სარდლობის მართვის პასუხისმგებლობას აიღებს.
ნატო-ს ოფიციალურმა პირმა გამოცემას განუცხადა, რომ „მოკავშირეები ნატო-ს სარდლობის სტრუქტურის ფარგლებში ოფიცრების პასუხისმგებლობის გადანაწილებაზე შეთანხმდნენ და ევროპელი მოკავშირეები ალიანსის სამხედრო ხელმძღვანელობაში უფრო მნიშვნელოვან როლს შეასრულებენ“.
