ჩვენთვის ძალიან დიდი მნიშვნელობა აქვს ე.წ. კვოტირების საკითხის - სოფლის მეურნეობის სამინისტრომ უნდა წარმოადგინოს, რამდენ ქათამს ვაწარმოებთ და რამდენია ჩვენი ვალდებულება - ვთვლი, რომ კვოტირება კვერცხზეც უნდა გავრცელდეს, - ამის შესახებ კომპანია „ჩირინას“ დამფუძნებელმა, რევაზ ვაშაკიძემ პარლამენტის დროებით კომისიაზე განაცხადა.

მისივე თქმით, კვოტირების შემოღებით, შესაძლოა, საკითხის გადაწყვეტა მოხდეს.

„ჩინეთიდან შემოვიდა დიდი რაოდენობით მკერდის ხორცი ძალიან დაბალ ფასად, დაახლოებით, 4 ლარად. ქათმის დაახლოებით, მესამედი არის წონით ქათმის მკერდის ხორცი, შესაბამისად, ჩვენ აქ გაგვიჩნდა დიდი პრობლემა. პრობლემის გადასაჭრელად ჩვენ დავიწყეთ ექსპორტი სომხეთში, აზერბაიჯანში, იმიტომ რომ იქ შეზღუდულია, ჩინური პროდუქცია ასე ადვილად არ შედის. ჩვენი მომხმარებლის თვალსაზრისით, იყოს კვოტირების საკითხი დასმული და ჩვენმა სახელმწიფომ შეიძლება დასვას საკითხი ფასის ლიმიტებთან დაკავშირებით. თუ კვოტირება არ არის ზოგადად, წარმოების საკითხი რთულია ჩვენთვის...

ჩვენთვის მთავარია რომ ბევრი პროდუქცია ვაწარმოოთ. წინა წელს ჩვენ ქათმის ხორცს ვაწვდიდით აზერბაიჯანს. აზერბაიჯანში ეს ხორცი მიდიოდა ჯარში. ჩვენთან ეს პრობლემა ვერ გადავწყვიტეთ. ჩვენთან კიდევ ბევრია საბავშვო ბაღები, ციხეები, რომლებიც იყენებენ სხვადასხვა პროდუქტებს“, - განაცხადა ვაშაკიძემ.