ზუგდიდში, საცხოვრებელ კორპუსში გაჩენილ ხანძარს ხანდაზმული მამაკაცის სიცოცხლე ემსხვერპლა.

არსებული ინფორმაციით, ხანძარი საცხოვრებელი კორპუსის ერთ-ერთ ბინაში დღეს გაჩნდა. ამ ეტაპზე, ხანძარი ლიკვიდირებულია.

როგორც „ინტერპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის, 188-ე მუხლით დაიწყო, რაც გაუფრთხილებლობით ნივთის დაზიანებას ან განადგურებას გულისხმობს.