რუმინეთს დიდი ხანია სტრატეგიული პარტნიორობა აქვს საქართველოსთან. ჩვენ მხარს ვუჭერთ საქართველოს მოქალაქეების მისწრაფებას, სურვილს ევროპული მომავლის მიმართ, - ამის შესახებ რუმინეთის საგარეო საქმეთა მინისტრმა ოანა-სილვია ტოიუმ ევროკავშირის საგარეო საქმეთა მინისტრების შეხვედრამდე „ევროსკოპს“ განუცხადა.

„რუმინეთს დიდი ხნის სტრატეგიული პარტნიორობა აქვს საქართველოსთან. ჩვენ მხარს ვუჭერთ ქართველი მოქალაქეების მისწრაფებას, სურვილს ევროპული მომავლის მიმართ. ამავდროულად, მივიღეთ მკაფიო სიგნალები იმის შესახებ, რასაც ახლა მთავრობაში და ინსტიტუციურ დონეზე ვხედავთ, სადაც დემოკრატია გამოწვევების წინაშე დგას. მაგალითად, ოპოზიციის ლიდერები სასამართლო პროცესების, სასამართლო სისტემის მხრიდან ჩარევის წინაშე დგანან, რაც ჯერ კიდევ საჭიროებს განმარტებას საქართველოს მხრიდან, თუ როგორ აუხსნიან ამას ევროკავშირს“,- აღნიშნა რუმინეთის საგარეო საქმეთა მინისტრმა.