საუდის არაბეთის თავდაცვის სამინისტროს ინფორმაციით, დედაქალაქ ერ-რიადთან და აღმოსავლეთ რეგიონში 26 ირანული დრონი მოიგერიეს და გაანადგურეს, - ინფორმაციას BBC-ი ავრცელებს.

არაბთა გაერთიანებული საამიროებისა და კატარის ხელისუფლებებმა ასევე გაავრცელეს ინფორმაცია, საჰაერო თავდაცვის სისტემების მიერ დრონებისა და რაკეტების მოგერიების შესახებ.

მედიის ინფორმაციით, აფეთქებების ხმები, რომელიც დუბაის მარინასა და ალ-სუფუჰის რაიონებში ისმოდა, დრონების წარმატებული მოგერიების შედეგი იყო.

დრონების მოგერიების შესახებ განაცხადა ქუვეითმაც. კერძოდ, ქვეყნის ეროვნულმა გვარდიამ, ბოლო 24 საათის განმავლობაში, ხუთი ირანული დრონი ჩამოაგდო.

კატარის თავდაცვის სამინისტროს ინფორმაციით კი, ირანის მიერ გაშვებული ოთხი ბალისტიკური რაკეტა და რამდენიმე დრონი მოიგერიეს.