დუბაის საერთაშორისო აეროპორტში ფრენები დროებით შეჩერდა, - ინფორმაციას BBC-ი ავრცელებს.

დუბაის სამოქალაქო ავიაციის სამმართველოს განცხადებით, ეს არის სიფრთხილის ზომა ყველა მგზავრისა და პერსონალის უსაფრთხოების უზრუნველსაყოფად.

მგზავრებს ურჩევენ, ფრენებთან დაკავშირებული სიახლეების მისაღებად ავიაკომპანიებს დაუკავშირდნენ.

მანამდე ოფიციალურმა პირებმა განაცხადეს, რომ დუბაის საერთაშორისო აეროპორტის მიმდებარე ტერიტორიაზე გაჩენილ ხანძარზე რეაგირებდნენ მას შემდეგ, რაც დრონთან დაკავშირებულმა ინციდენტმა საწვავის ავზი დააზიანა.

თებერვლის ბოლოს აშშ-სა და ირანს შორის კონფლიქტის დაწყებამდე, დუბაის საერთაშორისო აეროპორტი მსოფლიოში ყველაზე დატვირთული იყო საერთაშორისო მგზავრებისთვის. აეროპორტი 2025 წელს თითქმის 90 მილიონ მგზავრს მოემსახურა.