კავკასიის მედიცინის ცენტრში, სრულიად საქართველოს კათოლიკოს-პატრიარქის, ილია მეორის ჯანმრთელობის მდგომარეობის გასაცნობად, „ლელო-ძლიერი საქართველოს“ წევრები ლანა გალდავა და გიორგი სიორიძე მივიდნენ.

როგორც ლანა გალდავამ ჟურნალისტებთან აღნიშნა, „მთავარია შევინარჩუნოთ ოპტიმიზმი“.

„ჩვენ ვლოცულობთ - ჯანმრთელობა და დღეგრძელობა უნდა ვუსურვოთ ჩვენს პატრიარქს. ცხადია, ის არის ხანდაზმულ ასაკში, არის თანმხლები დაავადებებიც, არის კრიტიკული მდგომარეობა, მაგრამ მიუხედავად ამისა, ჩვენ ვინარჩუნებთ ოპტიმიზმს, რომ ჩვენი პატრიარქი ძალიან მალე გამოჯანმრთელდება. კიდევ ერთხელ მოვუწოდებთ ყველას და ჩვენც ვართ მუდმივ ლოცვაში მისი სიცოცხლისა და ჯანმრთელობისთვის“, - განაცხადა ლანა გალდავამ.