ორგანიზატორების ინფორმაციით, 21 მარტს თბილისში, ხოლო 22 მარტს ქუთაისში დაგეგმილი საპროტესტო მარშები აღარ ჩატარდება
სრულიად საქართველოს კათოლიკოს-პატრიარქის, უწმინდესი და უნეტარესი ილია მეორის დაკრძალვასთან დაკავშირებით, 21 მარტს - თბილისში, ხოლო 22 მარტს - ქუთაისში დაგეგმილი მარშები აღარ ჩატარდება.
ამის შესახებ ნათქვამია მარშის ორგანიზატორების განცხადებაში.
“ვუერთდებით ჩვენი ერის მწუხარებას სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესი და უნეტარესის ილია მეორეს გარდაცვალების გამო.
აღნიშნულიდან გამომდინარე, უქმეებზე, 21 მარტს - თბილისში, ხოლო 22 მარტს - ქუთაისში დაგეგმილი მარშები აღარ ჩატარდება", - ნათქვამია მარშების ორგანიზატორების განცხადებაში, რომელიც სოციალურ ქსელში ვრცელდება.
