პაკისტანი ყოველთვის მზადაა უმასპინძლოს მოლაპარაკებებს, თუკი მხარეებს ამის სურვილი აქვთ, - ამის შესახებ ქვეყნის საგარეო საქმეთა სამინისტროს პრესსპიკერმა ტაჰირ ანდრაბიმ BBC-სთან ინტერვიუში განაცხადა.

მისი თქმით, პაკისტანი „მუდმივად უჭერს მხარს დიალოგსა და დიპლომატიას რეგიონში მშვიდობისა და სტაბილურობის ხელშესაწყობად“.

მედიაში გაჩნდა ვარაუდი, რომ აშშ-ის მაღალი რანგის წარმომადგენლები შესაძლოა, ირანელ ოფიციალურ პირებს პაკისტანში შეხვდნენ. ანდრაბიმ არც დაადასტურა და არც უარყო, რომ რომელიმე მხარესთან მოლაპარაკებების ჩატარების შესახებ დიალოგი გაიმართა.