იმის მიუხედავად, თუ რა შეიძლება უთხრას პუტინმა საკუთარ თავს, ოთხი წლის შემდეგ, სიმართლე იმაშია, რომ რუსეთი არ იმარჯვებს. ამის შესახებ დიდი ბრიტანეთის პრემიერ-მინისტრმა, კირ სტარმერმა განაცხადა.

ბრიტანეთის პრემიერ-მინისტრის თქმით, “უკრაინის მხარდაჭერა უნდა გავაძლიეროთ”, რაც, ასევე, რუსეთის “ჩრდილოვან ფლოტთან” დაკავშირებით ქმედებებს მოიცავს, რაც “ნამდვილად მნიშვნელოვანი თემაა” დღეს.

სტარმერმა, ასევე, აღნიშნა, რომ ევროპელებმა უნდა “შეინარჩუნონ პუტინზე ზეწოლა და წვლილი შეიტანონ ნარატივის შეცვლაში”.

“მიწაზე რეალობა იმაში მდგომარეობს, რომ უკრაინა მყარად დგას. ბოლო კვირების განმავლობაში ტერიტორია დაიბრუნეს, დამპყრობლებს საშინელ ფასს აკისრებენ. ასე რომ, იმის მიუხედავად თუ რა შეიძლება უთხრას პუტინმა საკუთარ თავს, ოთხი წლის შემდეგ, სიმართლე იმაში მდგომარეობს, რომ რუსეთი არ იმარჯვებს. ისინი ვერ გაიმარჯვებენ. მათ უნდა შეწყვიტონ სამართლიანი და მყარი მშვიდობისკენ გზის ბლოკირება”, - განაცხადა სტარმერმა.